Á eftirskúlanum Brúgvin fært tú tað, tú væntar at fáa! Og tað tú ikki trúði tú kundi fáa!

Umframt undirvísing í krøvdum lærugreinum og vallærugreinum:

MEINING, SAMAN, støddfrøði, enskum, tónleiki, virkin, media, wild life og kokk amokk.

Afturat hesum hava til lagt nakrar spennandi og áhugaverdar vikur og dagar til rættis, har tú verður avbjóðaur á ymiskum økjum.

 

Spoken word og vitjan frá HKGYM

Síðst í september fáa vit vitjan av trimum ungum frá Kristna miðnám skúlanum í Keypmannahvan. Tey fara at greiða frá um teirra skúla, men koma eisini at hava eina “workshop” fríggjadag og leygardag sum kallast ”spoken word” og “poetry slam”. Vit fara eisini til at arbeiða við okkara egna ”spoken word” um egna lívsstøðu og fara at læra at framføra hesi.

 

Trúgv á skránni

Síðst í oktober fáa vit vitjan av átta næmingum og einum lærara frá eftirskúlanum Kildevæld. Vit fara at hava eina viku, har vit arbeiða saman um trúgv og kristindóm. Tað verður ein áhugaverd vika, har tað er meira umráðandi at seta røttu spurningarnar enn at koma við einum røttum svari. Hetta verður ein vika har vit reflektera.

 

Leiklist

Síðst í november fara vit at arbeiða við ein sjálvskrivaðum leiki og framførðslu, saman við ungum frá netverkinum hjá Skovbo efterskole. Vit fáa vitjan av ungum og dugnaligum leikstjórum, sum hava gingið á einum av teim bestu eftirskúlunum innan teatur í Danmark. Vit fara at arbeiða út frá bókini hjá Christan Hjortkjær: ”Utilstrækkelig”. Úrslitið verður ein framførðsla, har leikurin verður framførdur við ”spoken word”, leiki, ljósi, media og ljóði.

 

Jól á Brúnni

Fyrsta desember lata vit hurðrarnar upp á Brúnni, til okkara árliga jólatiltak, har bæði ung og gomul eru vælkomin. Tiltakið er ætlað til at kveikja jólagleðina og til at skapa hugna og geva aftur til umhvørvið, sum vit eru partur av. Vit gleða okkum til jólasølu, jólabásar og eina jólakonsert.

 

Starvsvenjing

Í januar fara næmingarnir í starvsvenjing í eina viku. Málið er at næmingarnir nema sær kunnleika og koma tættari tí føroyska arbeiðsmarknaðinum.

 

Evropa

Í februar verður Evropa okkara spælipláss ???? Vit fara á námsferð í 14 dagar í Evropa. Hetta fyri at uppliva aðrar mentanir og vit ætla at vitja tríggjar stórbýir. Vit fara at arbeiða við mentan, samfelag og samkomu. Eisini fara vit at uppliva at Brúgvin ger mun.

 

List og samfelag

Fyrst í mars fara vit at hava nakrar spennandi dagar, har vit fara at mála og lurta eftir einum fyrilestri. Alice Hansen, sum er listafólk kemur at bjóða okkum av í at mála okkara egnu málningar undir yvirskriftini:

”Hin bleytasti dropin .. er førur fyri at bróta teir hvassastu klettar”

Fyrrverandi skúlaleiðarin Kai Hansen og Kent Fuglesang, fara at hava fyrilestrarnar ”Tilburðir, sum hava broytt heimssøguna” og ”Hvat kunnu málningar fortelja okkum”

 

Uttandura VIKA

Í maj fáa vit aftur vitjan ???? Hesuferð koma átta ung fólk og ein lærari frá Aalborg eftirskúla. Vit gleða okkum at vísa teimum okkara stórfingnu og vøkru náttúru. Vit vænta at fáa eina fantastiska og garvilla viku saman.

 

Mentanir møtast

Menniskju og mentanir hava ávirkan hvør á annan. Vit eru stolt av okkara siðaarvi her í Føroyum og gleða vit okkum til vitjanir frá eftirskúlum úr Danmark. Vitjaninar snúgva seg um at føroysk ung og ung úr Danmark møtast á jøvnum føti og læra hvør av øðrum. 

 

Virkis- og stovnsvitjanir

Í lærugreinunum MEINING og SAMAN fara vit ígjøgnum árið at vitja ymisk virkir og stovnar. Eisini fáa vit nakrar gestalærarar á vitjan.