Í skrivandi stund eru næmingarnir til sín fyrsta dag á starvslæruplássinum, har tey skulu vera hesa vikuna. Tey eru runt umkring í Føroyum á nógvum ymsum plássum, enntá á Stóra Dímun! Og nøkur eru farin til sjós, við Brimli og Norrønu :) Vit ynskja teimum eina góða viku, har tey sleppa at nema sær kunnleika á arbeiðsmarknaðinum.

Í síðstu viku, sum var fyrsta heila vika aftur eftir jólafrítíðina, hugnaðu vit okkum óført úti í kavanum, drukku heitt kakao úti, og endaðu vikuna við einum túri til Klaksvíkar at skoyta og eini virkisvitjan hjá Kristian Martin Rasmussen, har vit vóru so heppin, at Christian í Grótinum lá við kai, so vit sluppu umborð :) Vit endaðu dagin við at eta á Amarant, áðrenn næmingarnir fóru heim í vikuskifti :)

Vit síggjast eftir starvslæruna, góðu næmingar!