Enn ein góð vika farin aftur um bak :) Túrar úti í náttúruni, grilla skúm yvir bál, paintball og tekna á steinar eru nakrir av aktivitetunum, vit hava gjørt hesa vikuna. Hósdagin var "royn ein dag", so tá høvdu vit vitjan av nøkrum fittum ungum, sum antin eru komandi næmingar ella hugsa um at gerast tað. Veðrið gerst betur nú, tað er ljósari úti, og tað gleðast vit um :) Í morgun (fríggjamorgun) vóru næmingarnir á eldraheimum í Skopun og á Sandi og gleddu tey gomlu har við sangi - sera gevandi! Nú slappa tey av, áðrenn leiðin gongur til Klaksvíkar í kvøld í vælveru ;) 

Gott vikuskifti til tykkum øll frá okkum á Brúnni! ;)