Eg plagi at leggja út her hvønn fríggjadag, men síðsta fríggjadag glapp tað, so nú fáa tit myndir frá tveimum vikum :) Tíðin gongur skjótt hesa síðstu tíðina; áðrenn vit vita, so eru páskir, og eftir tað, er lítið eftir av skúlaárinum. So vit royna at njóta dagarnar og hava tað hugnaligt og stuttligt :) Myndirnar vísa, at her hevur verið mangt ymiskt á skránni. Næmingarnir í skapandi list hava verið ein túr í Havn og gjørt leir hjá Kria, og eisini hava tey gjørt pynt til matstovukvøldið, sum verður í komandi viku. Næmingarnir í wild life gjørdu ein 'slip and slide' bana - sera stuttligt ;) Bakikapping hevur eisini verið á skránni í kokk amokk, har tey gjørdu sera flottar cupcakes, og so smakkaðu tær eisini sera væl! Onkrir túrar í náttúruni er tað eisini blivið til, og sjálvandi mugu vindeyguni spulast! Nú eru næmingarnir á veg heim í vikuskifti, og vit gleða okkum at fáa tey aftur í húsið mánadagin! ;) Gott vikuskifti frá Brúnni.