Ert tú ímillum 18-25 ár og ynskir at gera mun?

At gerast stórasystkin er fyri teg, ið ynskir at menna leiðsluevnir og virka fyri trivnað, saman við einum dugnaligum toymi. Tú kemur at hava ein virknan leiklut í gerandisdegnum hjá næmingum ígjøgnum aktivitetir, samansjóðing, samtalur o.a..

Tað er umráðandi at tær dámar at vera saman við tannáringum og vilt virka fyri teirra menning. Okkara slagorð er "at brynja komandi ættarlið til lívið".  

Sum stórasystkin býrt tú á skúlanum, um ikki onnur avtala er gjørd. Tú fært kost og bústað + lummapening.

Um hetta hevur tín áhuga ert tú vælkomin á søkja her á síðuni. Hevur tú spurningar set teg í samband við skúlaleiðara á tlf. 231 231.