Tíðindi
31. 01. 2023

Brúgvin, eftirskúlin í Skálavík hevur nú 2 ½ ár á baki

Brúgvin, eftirskúlin í Skálavík hevur nú 2 ½ ár á baki og hevur hetta verið fantastiska spennandi og mennandi fyri bæði ung og vaksin.

Í løtuni eru vit á ferð kring landið, har vit greiða nærri frá hvat tað merkir at ganga á eftirskúla í Skálavík og hvat tú kanst vænta at fáa við tær heimaftur. Brúgvin er eitt 10.flokks tilboð fyri øll, sum ynskja eitt øðrvísi og spennandi ár. Danskar kanningar vísa, at eitt ár á eftirskúla, mennir hin unga upp til 7 ár.

Umframt at hava tær vanligu lærugreinarnar, so hava vit ymsar vallæru- og áhuga lærugreinar. Afturat tí hava vit spennandi vitjanir og vitja ymsa staðni kring landið. Hetta er við til at geva næmingunum størri innlit í samfelagið, sum vit eru ein partur av.

Námsferðin hesuferð verður til 3 stórbýir í Evropa; Keypmannahavn, París og Rom. Her fær hin ungi upplivingar fyri lívið og sleppur eisini at síggja arbeiðir, har menniskju gera ein mun í samfelagnum. Okkara motto er at brynja tey ungu enn betur til lívið og at geva teimum amboð til lívsins amboðskassa.

Brúgvin er staðsett í Skálavík, sum er ein sera náttúruvøkur bygd og tað fáa vit dagliga gleði av.

Tilmeldingin til komandi ár er opin og fyrstu næmingarnir eru komnir inn. Vit gleða okkum til nógvar umsøkjarar frá øllum landinum, nú tað verður koyrandi av Gl Rætt komandi skúlaár.

Vit hava verið á Saltangará, í Klaksvík og í Havn og týskvøldið 31.januar kl.19:30, vera vit í Salt á Drelnesi og greiða nærri frá okkara spennandi tilboði. Tú fært kunning, kola, kaffi og kaku

02.05.2025
Ein sólrík vika :)
Byrjanin av hesi vikuni bjóðaði upp á nógva sól :) Her eru nakrar mynd…
25.04.2025
Fyrsta vikan eftir páska­frítíð­ina liðug
Páskini eru farin aftur um bak, og skúlin er væl í gongd aftur. Hetta…
11.04.2025
So bleiv páskaferia! :)
Eftir nógvar hugnaligar løtur hesa vikuna (og nokk eisini onkrar minni…
04.04.2025
Ein rík vika
Nógv er hent her á Brúnni hesa vikuna! Vit byrjaðu sunnukvøldið við ei…
28.03.2025
Nú fóru tvær vikur afturum
Eg plagi at leggja út her hvønn fríggjadag, men síðsta fríggjadag glap…