Nú nærkast endanum av triðja ári á Brúnni, eftirskúlanum í Skálavík.

Hetta hevur verið eitt sera spennandi og mennandi ár og næmingar og foreldur lata væl at.

Sanniliga hava næmingarnir fingið upplivingar fyri lívið. Eitt av hæddarpunktunum var námsferðin í Keypmannhavn, París, Nantes og Rom. Skráin var fjølbroytt á túrinum, við stuttleika, avbjóðingum, søguligum upplivingum og nógvum øðrum.

Eitt av okkara fremsta máli er, at brynja hin unga til lívið og tað vóna vit er førningurin, sum hesi eisini fara heimaftur við.

Hesa vikuna verður endaveitsla, roynd í støddfrøði, pakking, avrudding og Próvhandan, sum verður leygardagin 17.juni kl.15.

Um tú kundi hugsa tær eitt øðrvísi 10.floks ár, so ber enn til at søkja um upptøku.

Vit byrja aftur leygardagin 19.august