Síðsta vikan fleyg avstað, og av tí, at vit endaðu seint fríggjakvøldið á skúlanum, bleiv einki lagt út her áðrenn vikuskiftið. Síðsta vika var nærveruvika í øllum skúlum kring landið. Á Brúnni merkti tað, at næmingarnir onga telefon høvdu frá kl 22 um kvøldið til kl 15 næsta dagin. Tað riggaði væl, og vit royndu at seta sjóneykuna á at vera saman :) Mánadagin vóru nakrar gentur við starvsfólki og seldu fløskur í góðveðrinum ;) Týsdagin var vanligur skúladagur, og so fóru vit til kioskina á Sandi, sum vit altíð gera týsdagar. Mikukvøldið vóru nøkur á ungdómsmøti á oynni. Hósdagin fóru øll til Havnar, nøkur at bowla og nøkur at spæla minigolf í bowlinghøllini :) Fríggjamorgunin byrjaðu vit við dansi inni í høllini, undir leiðslu av tveimum næmingum :) Seinni høvdu vit vitjan av skúlastjóranum á Det Kristne Gymnasium í Ringkøbing. Hann segði frá um skúlan og vísti á møguleikan at taka miðnám á einum kristnum skúla í DK, har eisini møguleiki er fyri at búgva. Tað var sera áhugavert at hoyra um :) Eisini høvdu vit vitjan av Acts Academy Music - tónleikalinjan á danska bíbliuskúlanum Acts. Tey gjørdu aktivitetir saman við næmingunum fríggjadag seinnapart og um kvøldið høvdu tey ungdómsmøti á skúlaum við sera góðum tónleiki og sterkum vitnisburðum :) 

Eitt, sum eisini hendi síðsta vikuskiftið var, at fimm skógvaeskjur vóru latnar Christmas Child, sum næmingarnir hjá okkum høvdu givið. Tað er eitt, vit ynskja á Brúnni, tað er at gera mun, og hetta er ein góður máti at gera júst tað :)

Í morgun fór so gongd í leiklistavikuna! 10 starvsfólk og næmingar frá Skovbo Efterskole eru á Brúnni hesa vikuna og gera leiklist saman við næmingunum, sum so endar við eini flottari sýning leiygarkvøldið ;) Vit síggjast har!