Í gjárskvøldið, fríggjakvøldið, fóru næmingarnir heim í vikuskifti. Hesuferð endaðu vit fríggjadagin um kvøldið heldur enn um morgunin. Vikan hevur verið góð - vanlig skúlaundirvísing, men eisini spæl og gaman á skránni ;) Sunnukvøldið varð spælt myrka-krógva og blunda. Mánadagin bleiv gjørt pitsa í KokkAmokk. Mmmm... ;) Týskvøldið var gentu- og dreingjakvøld; genturnar fóru til Havnar at spæla padel og síðani heim til Hjørdis Háberg Petersen til drekkamunn og hugna, har Tina Mellem var og fortaldi sín vitnisburð og sang nakrar sangir. Dreingirnir vóru á Brúnni og blivu forkelaðir av Dánjal Petersen við popkorn og sodavatn ;) Mikukvøldið vóru nakrar gentur á bindiskeið á Mølini í Skálavík. Hósdagin vóru næmingarnir í WildLife og róðu kajak á Sandsvatnið, meðan genturnar, sum hava Skapandi List vóru í Havn á Listasavninum og ein túr í viðarlundini :) Í gjár, fríggjadagin, endaðu vit so dagin í Havn á ungdómsmøti í Immanuel, áðrenn næmingarnir fóru hvør til sítt. Tey síggjast longu aftur sunnukvøldið! ;) Lívið á Brúnni er gott!