So vóru vit aftur her eftir páskaferiuna! Veðrið hevur verið eitt sindur skiftandi, men vikan endaði við allarfagrasta veðrið! Og tað nutu tey í Wildlife í gjár, tá tey fóru ein langan súkklutúr :) Genturnar í Skapandi list vitjaðu listasavnið á Sandi. Týskvøldið var ungdómsmøti á skúlanum, og mikukvøldið vóru eisini nøkur á ungdómsmøti í Missiónshúsinum á Sandi. Hóskvøldið fingu vit vitjan frá einum 9. flokki frá Stranda skúla, sum var á seturskúla í bygdini. Tey hugnaðu sær saman, spældu stikkbólt í høllini og eisini borðspøl. Um eina løtu fara vit øll heim í vikuskifti, so vit ynskja tykkum gott vikuskifti her av Brúnni og njótið veðrið! ;)