Um eina lítla løtu verður prógvhandan her á Brúnni. Meðan næmingarnir pynta seg og gera tað síðsta klárt, fara vit at deila nakrar løtumyndir frá síðstu vikunum her við tykkum. 

Vit hava vitjað á MOWI, har vit sluppu út á aliringarnar! Tað var stuttligt at uppliva :) 

Skúlagarðurin her í bygdini bleiv málaður til gleði fyri børn og vaksin her í bygdini - tað er stuttligt, at næmingarnir sleppa at seta sítt merki eftir her í Skálavík ;)

Galla hevur verið, har næmingarnir gingu upp í hægstu detalju og gjørdu so nógv burturúr - stuttligt at síggja :)

Og gongutúrar her í bygdini og úti í náttúruni hava eisini verið.

Hetta árið hevur gingið við rúkandi ferð, og nú er enn eitt fantastiskt ár á Brúnni komið at enda. Vit ynskja tykkum øllum, sum hava gingið her hetta árið, alt tað allarbesta og Jesus signi framtíðina!