Eftir nógvar hugnaligar løtur hesa vikuna (og nokk eisini onkrar minni hugnaligar, tí skrivligar royndir hava verið :p), eru næmingarnir nú farnir heim í páskaferiu, og vit byrja aftur týsdagin 22. apríl.

Sum myndirnar vísa, hevur veðrið verið frálíkt hesa vikuna, og tað hevur havt við sær, at nakrir túrar eru gjørdir :) Sera deiligt, at várið nú kemur!

Ein føðingardagur hevur eisini verið hesa vikuna, og ein vitjan á listasavnið á Savni og ymiskt annað hevur ríkað hesa vikuna.

Brúgvin ynskir tykkum øllum eina góða páskaferiu, har vit minnast, at Jesus doyði fyri okkum og reis uppaftur! :)