So er fyrsta vikan á Brúnni skúlaárið 25/26 longu liðug, og í skrivandi stund fáa næmingarnir heitar bollar, áðrenn tey fara heim.
Vikan hevur verið rík; nógv er at læra, alt er nýtt, kanska eitt sindur strævið viðhvørt, men her er eisini pláss fyri nógvum hugna og stuttleika! Sum myndirnar vísa, hava tey gjørt ymiskt samansjóðandi, og eisini høvdu tey eina bakikapping, har fýra bólkar gjørdu og pyntaðu sína egnu kaku. 
Eftirskúlalívið fyri 22 ung í Føroyum er skotið í gongd, og vit síggja fram til eitt avbera gott, mennandi og spennandi skúlaár saman við hesum fittu ungu :)
Vit ynskja tykkum eitt gott vikuskifti, og vit síggjast mánadagin!