Skjótt hevur Brúgvin havt skúla í 5 ár, og skjótt hava 91 næmingar fingið prógv frá Brúnni. Tað er stórt! Og hetta vildu vit markera við einum hátíðarhaldi, sum var í síðstu viku. Hjørdis Háberg, visjónsberi á skúlanum segði nøkur orð, og eisini hoyrdu vit frá landstýrismannunum í barna- og útbúgvingarmálum, Djóna Nolsøe Joensen, einum fyrrverandi næmingi, einum pápa at núverandi næmingi, Jastrid Høj,skúlastjóra í frískúlanum í Kelduni, og sjálvandi frá okkara egna skúlastjóra Eriku K. Winther. Eisini nutu vit flottan sang frá okkara egnu næmingum og frá Bárði á Lakjuni. Løtan var sera góð og rørandi, og tað, sum stendur sterkast eftir, er Guds trúfesti. Tað hava verið bæði undan- og mótbrekkur hesi fimm árini, men gjøgnum alt kunnu vit siga, at Gud hevur verið trúfastur! Takk fyri allar bønir og stuðul!