Enn ein góð vika er liðug á Brúnni. Tey ungu eru follin væl til, og tey duga at hugna sær :) Sum myndirnar vísa, dáma teimum at spæla borðspøl, og í Skapandi list sæst. hvussu kreativ fleiri av teimum eru. Í Wild life vóru næmingarnir í Havn og boksaðu. Gott at sleppa at brúka krút! ;) Vit eru signaði á Brúnni við einum sera dugnaligum kokki, so har er eingin grund til at ganga svangur á Brúnni ;) Máltíðirnar eru nógvar, og tað er altíð so hugnaligt at eta saman. Hvønn fríggjamorgun er kamarsreingerð á skránni, og tað er stuttligt at síggja øll í sving; hetta er við til at brynja tey til lívið, sum vit á Brúnni ynskja at gera. Vit enda altíð fríggjadagar við einum floksins tíma, har øll eru samlaði í floksstovuni. Í morgun tosaði Hjørdis við tey um rammurnar á Brúnni, hvussu tær eru við til, at vit øll kunnu trívast, kenna okkum trygg og mennast. Ikki fyri at køva okkum, men fyri at vit øll kunnu blomstra. 

Vit á Brúnni ynskja tykkum øllum eitt gott og vælsignað vikuskifti :)