Eftir tvær ríkar samanhangandi vikur á skúlanum, eru næmingarnir nú farnir heim í vikuskifti. Hesar vikurnar hava verið góðar, og eisini fyrsta vikuskifti á skúlanum var gott :) Leygarkvøldið fóru vit í missiónshúsið í Skálavík, har ung úr Leirvík skipaðu fyri ungdómsmøti. Eisini vóru felagsspøl í høllini og góður matur ;) Í gjár vóru tey í Wild life og klintraðu, meðan tey, ið hava Skapandi list gjørdu m.a. andlitsmáling, sum tey dámdu sera væl. Og sum tað síðsta í dag, áðrenn skúlavikan endaði, vóru vit á virkisvitjan á MEST. Vit ynskja tykkum eitt gott vikuskifti!