Eftirskúlin Brúgvin bjóðar til "Jól á Brúnni"

Jólahugni, jólasangir, jólasøla, jólapynt, jólamatur... alt hetta kanst tú uppliva í Skálavík mánadagin 1. desember, tí tá er aftur "Jól á Brúnni" :)

Kl 17:00 opna sølubásarnir, har tú kanst keypa tær okkurt lekkurt til matna, jólaprýði o.a. Har verður sjálvandi ein góður grýturættur frá kokkinum, og tá tað er farið niðurum, kanst tú keypa tær heitt kakao, rís a'la mande, heitar vaflur, kleynur og mangt annað lekkurt.

Kl 19:00 byrjar ein ókeypis konsert inni í høllini, har vit fara at njóta góðan jólasang frá góðum sangkreftum frá nær og fjar. 

Aftaná konsertina verður aftur møguligt at keypa sær okkurt lekkurt til matna og njóta hugnan og samfelagið.

Vit gleða okkum at bjóða tykkum vælkomnum til okkara stóra jóladag her í Skálavík, sum næmingar og starvsfólk longu nú eru í gongd við at rigga til.