Henda vikan er liðug, men næmingarnir eru enn á skúlanum og fara at hugna sær á Brúnni hetta vikuskifti :)

Týsdagin í hesi viku vóru vit á áhugaverdari vitjan hjá Atlantic Airways. Tey vóru so fitt og blíð, og vit takka hjartaliga fyri, at vit sluppu at vitja og síggja og hoyra, hvat tey gera har. 

Um kvøldið fingu næmingarnir lekkra heimagjørda pitsa, áðrenn gentu- og dreingjakvøld var á skránni :) Tey hugnaðu sær óført!

Mikudagin fingu vit vitjan av yvir 40 pensjonistum úr Suðuroynni, sum vóru sera kaffityst, tá tey komu her ;) Næmingarnir vóru so raskir at servera te, kaffi og kaku fyri teimum og at sita og práta við tey.

Skjótt verður næstseinasta vikuskifti á skúlanum skotið í gongd við nógvum spennandi á skránni!