Tíðindi
03. 02. 2021

Lærarar til Eftirskúlan Brúgvin í Skálavík

Kom við og mynda eftirskúlan Brúgvin. Vit søkja eftir lærarum til skúlaárið 2021/22.

Talan er um tvey spennandi, fjølbroytt og avbjóðandi størv. Umsøkjarar skulu vera fleksiblir og brenna fyri komandi ættarliði. 

Lærarastarvið
Lærarastarvið umfatar m.a. føroyskt, danskt, støddfrøði, samfelagsfrøði,  tónleik, køk og annað.

Starvið er tíðaravmarkað til skúlaárið 2021/22. Endaliga tímatalið verður ásett til samrøðuna, men verður væntandi millum 32 og 40 tímar í miðal um vikuna.

 

Um eftirskúlan
Eftirskúlin Brúgvin er eitt 10. flokstilboð fyri næmingar, sum ynskja eitt øðrvísi skúlaár. Brúgvin hevur sum endamál, við støði í kristnari heims- og menniskjaáskoðan, at menna samfelagsligt og sosialt tilvit hjá einstaka næminginum. Skúlin tekur støðið í tí einstaka næminginum, bæði hvat viðvíkur fakligum førleikum, andaligum, sosialum og mentanarligum viðurskiftum.

Skúlin er í Skálavík.

Skúlaárið 2021/2022 vænta vit umleið 30 næmingar í 10. flokki.

Vit kunnu bjóða
Eitt áhugavert starv við fjølbroytni í gerandisdegnum. Undirvísingin er fyri tað mesta á eftirskúlanum Brúgvin í Skálavík. Møguleiki er at gista á skúlanum, eftir nærri avtalu ávísar dagar í vikuni

Les meira á okkara heimasíðu www.brugvin.fo

 

Vit ynskja, at tú, sum umsøkjari:

●       Hevur tilsvarandi útbúgving

●       Dámar at arbeiða við ungum fólki

●       Tekur undir við og vilt arbeiða út frá hugsjónini og endamáli skúlans.

●       Hevur hug og áræði at skipa ein fjølbroyttan og tryggan gerandisdag við  virðing og  umsorgan fyri tí einstaka næminginum

●       Ert fleksibul og dugir at samstarva

●       Ert til reiðar at menna tað námsfrøðiliga arbeiðið í skúlanum

●       Umframt at undirvísa, tekur lut í vaktum

 

Setanarviðurskifti
Lærarastarvið verður lønt sambært avtalu millum Fíggjarmálaráðið og Føroya Lærarafelag.

Umsókn
Umsókn saman við avriti av prógvum og møguligum viðmælum skal vera skúlastýrinum í hendi í seinasta lagi mánadagin 22. februar.

Meira fæst at vita við at venda sær til skúlaleiðara Eriku Niclasen á tlf 231 231.

Umsóknir skulu sendast til: erika@brugvin.fo.

03.02.2021
"Join the team", sum stórasystkin á Brúnni
Ert tú ímillum 18-25 ár og ynskir at gera mun? At gerast stórasystkin…
03.02.2021
Lærarar til Eftirskúlan Brúgvin í Skálavík
Kom við og mynda eftirskúlan Brúgvin. Vit søkja eftir lærarum til skúl…
17.12.2020
Nú er innskrivingin opin til skúlaárið 2021-2022
KOM VIÐ TIL EITT MERGJAÐ ÁR Á BRÚNNI!  Gongur tú í 9 fl. og umhugsar…
09.06.2020
30 umsóknir til Brúnna
30 ung eru áhugað at ganga á Brúnni komandi skúlaár. Eftir mong ár við…
27.04.2020
Erika Niclasen í Lindini 24. apríl 2020
Her kanst tú hoyra prátið, sum Tór Arni Samuelsen hevði við Eriku Ni…