Tíðindi
02. 05. 2022

Stuðuls konsert

Hóast vit ikki hoyra eins nógv um Ukraine í fjølmiðlunum nú, sum vit gjørdu at byrja við, so er støðan alt annað enn góð hjá teimum. Tí fara vit nú at hava eina stuðulskonsert, har alt yvirskot fer til at hjálpa krígsrakta Ukraine og tað verður gjørt gjøgnum "Mission uden grænser".

Týskvøldið kl. 19.00 er ein forkunnug og ókeypis konsert á Eftirskúlanum Brúgvin í Skálavík, har systranar Sabina og Rebekka Mathew syngja (Rebekku kenna vit frá Creamy, har hon sang saman við føroysku Rannvu). Tær koma at syngja yndisligar sálmar o.a. Næmingar av Brúnni koma at hita upp við trimum sangum, og til tann eina sangin fáa tey eisini hjálp frá 3. flokki í Sands skúla. MEN longu kl. 17.00 opna vit okkara básar, har vit selja ein góðan grýturætt og kioskvøru frá kl. 17.00.

Hetta er ein gyltur møguleiki at sleppa frá at gera døgurða týsdagin Eftir konsertina opna básarnir aftur og tá fara vit at selja vafflur, heitt kakao, poppkorn, dougnuts, milkshake, kaffi, te og annað gott. Alt yvirskot av hesum fer til Ukraine. Afturat hesum, so fara vit eisini at selja ymiskt handaligt, sum næmingar og starvsfólk á Brúnni hava gjørt - har vera m.a. bundnir køkslappar, hárprýði, beauty pads og kanska eisini onkur tekning. Sølan av hesum fer óskerd til Ukraine. Vit vóna at síggja NÓGV fólk í Skálavík týskvøldið frá kl. 17.00.

04.01.2024
Opið hús og Royn ein skúladag á Brúnni
20 februar er Opið hús á eftirskúlanum, har møguleiki verður at síggja…
01.11.2023
Tíðindastubbi 01-11-2023
Vit eru komin væl í gongd við skúlaárið 2023/2024.Í dag er Allahalgann…
18.06.2023
Ein væleydnaður dagur
So var síðsti skúladagur av. Ein væleydnaður dagur. Vit takka fyri e…
13.06.2023
Nú nærkast endanum
Nú nærkast endanum av triðja ári á Brúnni, eftirskúlanum í Skálavík.…
09.06.2023
Møtið Jóhan
  Umsókn til Brúnna, 10. flokk - TILMELDING